Jahon chempioni Germaniya 7-ligasida faoliyatini davom ettiradi

2014-yilgi Jahon chempionati gʻolibi, Germaniya terma jamoasi sobiq futbolchisi Kevin Grosskroyts hali ham butsalarini mixga ilishga shoshilmayapti. Bu haqda Kicker portali xabar bermoqda.

2021-yil yanvarida Grosskroyts faoliyatini yakunlaganini e'lon qilgan edi. Shunga qaramay, u keyinchalik ikki marta jamoasini oʻzgartirib, Germaniyaning quyi ligalarida maydonga tushdi va bir vaqtning oʻzida oʻz jamoalarining murabbiylar shtabida ham faoliyat yuritdi.

37 yoshli Grosskroyts yaqin kunlarda Germaniyaning 7-divizionida oʻynaydigan "Ayxlingxofen" jamoasi sharafini himoya qiladi. U bilan shartnoma mavsum oxiriga qadar imzolangan.

Sobiq futbolchi avvalroq Dortmundning "Borussiya" jamoasi tarkibida oʻynab, ikki marta Germaniya chempioni boʻlgan edi. “Zamin”ni Telegramʻda oʻqing!