Milaning "Inter" klubi bosh murabbiyi Kristian Kivu A Seriyasidagi "Fiorentina" ustidan 3:0 hisobidagi gʻalabani izohlab oʻtdi. "Neradzurri" mehmonlar himoyasini faqatgina 66-daqiqada yorib oʻtdi.
Hisobni Hakan Chalhanogʻlu ochdi. Oradan koʻp oʻtmay, Petar Suchich milanliklar foydasiga ikkinchi golni kiritdi, uchrashuv oxirida esa Chalhanogʻlu penaltidan aniq zarba yoʻllab dublga erishdi.
"Maqsadlarga erishish uchun qiyinchiliklarni yengish muhim. Bugun biz uchun oson boʻlmadi: "Fiorentina" tartibli himoyalandi va qarshi hujumlarga tayanishga harakat qildi.
Birinchi boʻlimda oʻyinimizni yaxshi tashkil qila olmadik – raqib maydonida toʻp bilan toʻgʻri qarorlar qabul qilish yetishmadi. Vaziyat uzoq masofadan yoʻllangan zarba tufayli oʻzgardi – biz bunday imkoniyatdan birinchi boʻlimda foydalanmagandik.
Ushbu gol bizning vazifamizni ancha soddalashtirdi", – dedi Kivu Sky Sport telekanaliga bergan intervyusida. "Inter" hozirda 18 ochko bilan 9 turdan soʻng musobaqa jadvalida uchinchi oʻrinni band etgan.
“Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing Mavzuga oid yangiliklar
