Leverkuzenning “Bayer” jamoasi bosh murabbiyi Kasper Yulmann 1-noyabr kuni kechqurun Myunxenning “Bavariya” klubiga qarshi Germaniya chempionatining toʻqqizinchi tur oʻyini oldidan matbuot vakillari bilan suhbatlashdi. “Biz ushbu oʻyinni intiqlik bilan kutyapmiz.
Albatta, chorshanba kungi kubok oʻyini kutilganidan uzunroq boʻldi, ammo biz muvaffaqiyatli tiklandik va kuchli tarkibga ega boʻldik. ‘Bavariya’ Germaniyaning eng yaxshi jamoasi, shuningdek, Yevropaning eng kuchli klublaridan biri.
Lekin hech bir jamoa yengilmas emas. Men qatʼiyan ishonamanki, biz bu oʻyinda natijaga erisha olamiz”, - dedi Yulmann “Bayer”ning rasmiy saytiga bergan intervyusida.
Raqib hujumchisi Garri Keyn, 14 oʻyinda 22 ta gol urganligi haqida savolga murabbiy quyidagicha javob berdi: “Biz unga va boshqa barcha futbolchilarga jamoaviy himoya qilishimiz kerak, bu — yagona yoʻl”. Leverkuzenliklar 17 ochko bilan musobaqa jadvalida beshinchi oʻrinda bormoqda.
“Bavariya” esa 24 ochko toʻplab, birinchi pogʻonada joylashgan. Avvalroq “Bavariya” bosh murabbiyi Vensan Kompani ushbu oʻyinga oid oʻz fikrlarini bildirgan edi.
