Fransiyaning "Pari Sen-Jermen" (PSJ) klubi bosh murabbiyi Luis Enrike mamlakat chempionati doirasida "Nitssa"ga qarshi o'yin oldidan OAV vakillari bilan uchrashdi. Chempionatning o'n birinchi turi uchrashuvi 1-noyabr kuni bo'lib o'tadi.
Moskva vaqti bilan o'yin soat 19:00da boshlanadi. "Nitssa" "Park de Prens" stadionida bizga qarshi so'nggi ikki o'yinda g'alaba qozongan.
Biz bunday natijalarga o'z uy stadionimizda odatlanmaganmiz. Bu, albatta, futbolchilar uchun motivatsiya bo'lib xizmat qiladi.
Ammo shu bilan birga, o'yin juda qiyin bo'ladi, chunki raqib hozir juda yaxshi formada. Umid qilamanki, futbolchilarimni yetarlicha ruhlantira olaman", dedi murabbiy PSJ rasmiy saytiga bergan intervyusida.
Luis Enrike shuningdek, jamoaning himoya chizig'idagi o'sishni ham ta'kidladi. "Menimcha, himoyaviy o'yinimizni yaxshiladik.
Bu borada ishlashni davom ettiryapmiz. Mavsum yakunida o'tkazib yuborilgan gollar soniga qarab xulosa qilamiz.
Ammo hozirgi holatimizdan o'tgan mavsumga nisbatan mamnunman", deya qo'shimcha qildi murabbiy. "PSJ" hozirda 21 ochko bilan birinchi o'rinda bormoqda, "Nitssa" esa 17 ochko bilan sakkizinchi pog'onada joylashgan.
