Yaqinda “Jenoa” klubi bosh murabbiy Patrik Vieyrani isteʼfoga chiqarganini eʼlon qildi. Italiya matbuotining xabariga ko'ra, jamoa bosh murabbiylik vazifasi “Zenit”ning sobiq himoyachisi Domeniko Krishtoga topshiriladi.
Avvalroq, 38 yoshli Krishto “Jenoa”ning yoshlar jamoasini boshqargan edi. Ammo u hozirda Pro litsenziyasiga ega emas, shuning uchun u yordamchi sifatida Roberto Murgita bilan birgalikda ishlaydi.
Krishto “Zenit” safida sakkiz mavsum davomida o'ynab, 224 o'yinda maydonga tushgan, 20 ta gol urgan va 29 ta golli uzatma amalga oshirgan. Ayni vaqtda, A Seriyaning to'qqiz turidan keyin “Jenoa” uch ochko bilan turnir jadvalining so'nggi pog'onasida joylashgan.
Ctrl
Enter
Xato topdIngizmi?
Iborani ajratib Ctrl+Enter tugmasini bosing Mavzuga oid yangiliklar
