Sanderlend yarim himoyachisi Granit Jaka o'zining sobiq jamoasi - Londonning Arsenal klubiga qarshi o'yinga tayyorgarlik ko'rmoqda. Uchrashuv shanba kuni, 8-noyabrda, Angliya Premer-ligasi 11-tur doirasida bo'lib o'tadi.
"Bu men uchun juda hissiy o'yin bo'ladi. Arsenalda men yetti ajoyib yilni o'tkazdim va hanuzgacha ko'plab futbolchilar hamda murabbiylar shtabi bilan aloqalarimni saqlab qolyapman.
Ularga qarshi aynan Sanderlendda o'ynash men uchun o'zgacha ahamiyatga ega", - dedi Jaka Sky Sports telekanaliga bergan intervyusida. U ushbu bayonotni Everton bilan 1:1 hisobidagi durangdan so'ng bergan.
Sanderlend 10 o'yindan so'ng 18 ochko bilan turnir jadvalida to'rtinchi o'rinda borayotgan bo'lsa, Arsenal 25 ochko bilan birinchi pog'onani egallab turibdi.
