“Manchester Siti” bosh murabbiyi Xosep Gvardiola Angliya Premyer-ligasining amaldagi chempioni “Liverpul” bilan bo‘ladigan o‘yin haqida fikr bildirdi. “Shaharliklar” bugun o‘z maydonida “qizillar”ni qabul qiladi.
Uchrashuv Moskva vaqti bilan 19:30 da boshlanadi. “Biz chempion bilan o‘ynaymiz.
“Liverpul” chempion, “Arsenal” esa chempion emas. Ular bu yerga o‘z unvonini himoya qilish uchun kelishadi.
Bu bizning o‘z darajamizni namoyish etish imkoniyatimizdir. Men o‘yinni intiqlik bilan kutyapman”, – dedi Gvardiola “City Report”ga bergan intervyusida.
Hozirda “Arsenal” 11 ta o‘yindan so‘ng 26 ochko bilan turnir jadvalida peshqadamlik qilmoqda. “Manchester Siti” va “Liverpul” esa bir o‘yindan kam o‘tkazib, mos ravishda 19 va 18 ochko bilan orqadan kelmoqda.
