Bolonya 21-asrdagi eng yaxshi startini berdi

Italiya chempionatining 11-tur o‘yinlari o‘tkazildi va ularda asosiy sensatsiyani “Bolonya” jamoasi yaratdi. U o‘z maydonida o‘tgan mavsum chempioni “Napoli”ni mag‘lub etib, raqib darvozasiga javobsiz ikki gol urdi.

Shu tariqa, 11 turdan so‘ng “Bolonya” hisobida 21 ochko mavjud bo‘lib, bu klub uchun 1994/1995-yilgi mavsumdan boshlab, g‘alaba uchun uch ochko berila boshlaganidan buyon eng yaxshi start hisoblanadi. Hozirda jamoa Italiya A Seriyasining turnir jadvalida beshinchi o‘rinni egallab turibdi.

Keyingi turda “Bolonya” Udineda maydonga tushadi, biroq bu uchrashuv milliy jamoalar o‘yinlari uchun tanaffusdan so‘ng, 22-noyabr kuni bo‘lib o‘tadi. “Zamin”ni Telegramʻda oʻqing!