Ispaniya futbol federatsiyasi (RFEF) yosh futbolchi Lamine Yamalni milliy terma jamoa safidan chiqarib, rasmiy bayonot berdi. Federatsiya ma’lumotiga ko‘ra, Yamal 10-noyabr kuni milliy jamoa yig‘ilishi boshlanishi vaqtida oyoq og‘riqlarni davolash maqsadida radiofrekansiya orqali muolajaga duchor bo‘lgan.
Tibbiyot xizmati futbolchining ushbu muolajani oldindan xabar qilmaganini ta’kidladi. Hisobotga ko‘ra, kechki soat 22:40 da muolaja tafsilotlari ma’lum bo‘lib, futbolchiga 7–10 kun dam olish tavsiya qilingan. Bu esa terma jamoa rejalari va mashg‘ulotlariga jiddiy ta’sir ko‘rsatgan.
Shu sababli, RFEF Yamalni milliy jamoa safidan chiqarish qarorini qabul qildi. Federatsiya futbolchining xavfsizligini birinchi o‘ringa qo‘yganini va terma jamoa uchun to‘g‘ri qaror qilinganini bildirdi.
Bayonotda barcha futbolchilar va jamoa xodimlariga xavfsizlik va tibbiy jarayonlar tartibiga qat’iy rioya qilish zarurligi eslatildi. Federatsiya kelajakda shunday holatlarning oldini olishga chaqirdi.
“Zamin”ni Telegramʻda oʻqing!
