“Manchester Siti”ning yetakchi hujumchisi Erling Holand Norvegiya terma jamoasining JCH–2026 yo‘llanmasiga erishgani haqida birinchi fikrlarini bildirdi. Uning so‘zlariga qaraganda, bu g‘alaba nafaqat quvonch, balki uzoq yillardan beri yelkada turgan mas’uliyat yukidan xalos bo‘lganidek yengillik ham baxsh etgan.
Holand aytishicha, Norvegiya so‘nggi yillarda izchil yo‘lni tanlab, individual va jamoaviy jihatda sezilarli o‘sishga erishdi. Ayniqsa Nuca va Bobb kabi yosh yulduzlarning tez o‘sishi, shuningdek, Oskarning “Manchester Siti”da asosiy tarkibga chiqishi terma jamoaning salohiyatini yanada mustahkamladi.
Hujumchi ta’kidlashicha, Italiyani o‘z maydonida yirik hisobda mag‘lub etish Norvegiyaning qay darajada kuchli va xavfli raqibga aylanganini namoyish qiladi. U bu g‘alabani jamoaning katta mehnati, intizomi va ruhiy tayyorgarligining mevasi sifatida baholadi.
“Italiyani 4:1 hisobida mag‘lub etishimiz — bu jamoamizning yangi bosqichga chiqqanini ko‘rsatadi. Biz endi nafaqat yo‘llanma olgan jamoamiz, balki yig‘ma tarkibda jiddiy raqobat ko‘rsata oladigan darajada kuchlimiz. Buni barcha anglab qo‘ysin”, — dedi u.
Ma’lumot uchun, hal qiluvchi bahsda Norvegiya safarda Italiyani yirik 4:1 hisobida ortda qoldirib, JCH–2026ning navbatdagi ishtirokchilari safiga qo‘shildi.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
