“Barselona”ning yosh iste’dod sohibi Lamin Yamal joriy mavsum va kelasi yirik musobaqalar borasida o‘z oldiga juda katta maqsadlar qo‘yganini ochiq bildirdi. 18 yoshli vingerning aytishicha, u faqat yaxshi o‘ynashni emas, balki mavsumning barcha eng nufuzli sovrinlarini zabt etishni ham niyat qilgan.
Yosh futbolchi o‘zining shaxsiy ambitsiyalari haqida gapirib, “Oltin to‘p”ni qo‘lga kiritishga ham ishonyapti. Uning fikricha, “Barselona” tarkibida La Liga va Chempionlar Ligasida g‘alaba qozonish, Ispaniya terma jamoasi bilan esa Jahon chempionatida chempionlikni qo‘lga kiritish mumkin.
“Men 2026 yilda hamma narsada g‘alaba qozonishni istayman. Va, albatta, buning iloji borligini yaxshi bilaman”, — deya Yamal o‘z ishonchi bilan o‘rtoqlashgan.
Katta qayd etish kerakki, Lamin Yamal hozirning o‘zida Yevropadagi eng yosh va eng yorqin iqtidorlardan biri sifatida tilga olinmoqda. Uning texnik mahorati, tezligi va maydondagi xulq-atvori “Barselona”ning kelajak rejalarida katta o‘rin tutadi. Klub ham, murabbiylar shtabi ham undan kelasi yillarda jamoaning yetakchi qahramoniga aylanishini kutmoqda.
Muxlislar esa Yamalning bu qadar katta maqsadlar qo‘yganini quvonch va havas bilan kutib olmoqda. Chunki futbolchida bunday natijalarga erishish uchun ham iqtidor, ham xarakter, ham ishtiyoq yetarli ekani ko‘pchilik tomonidan qabul qilinayotgan fikr.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
