Barselona hujumchisi Robert Levandovski "Kamp Nou" qayta ochilishidan keyin ilk gol muallifiga aylandi. Polshalik futbolchi shanba kuni bo‘lib o‘tgan "Atletik" Bilbao jamoasiga qarshi o‘yinning 4-daqiqasida raqib darvozasini ishg‘ol qildi.
Qolgan vaqtda kataloniyaliklar yana uch marta gol urib, yirik g‘alabani qo‘lga kiritishdi – 4:0. "Biz nihoyat "Kamp Nou"ga qaytdik, bu biz uchun juda alohida kun.
Juda xursandmiz, ayniqsa, o‘yinning boshidanoq o‘zimizni yaxshi namoyon etganimizdan g‘ururlanaman. Bu yerda ilk golni kiritish - ajoyib tuyg‘u, bu menga katta g‘urur bag‘ishladi", – dedi 37 yoshli hujumchi jurnalistlarga bergan intervyusida.
Jamoa Hans-Diter Flik boshchiligida seshanba kuni Chempionlar ligasi doirasida "Chelsi"ga qarshi o‘yin o‘tkazadi. “Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing 
