Uchta gol muallifi: "Zoʻr kun boʻldi"

Londonning "Arsenal" klubi futbolchisi Eberechi Eze Angliya chempionatining 12-turida "Tottenhem" ustidan 4:1 hisobidagi gʻalabadan soʻng oʻz taassurotlari bilan oʻrtoqlashdi. Ushbu oʻyinda u raqib darvozasini uch marta ishgʻol qilishga muvaffaq boʻldi.

Yarim himoyachi oʻyindan zavq olganligini va jamoasiga yordam bera olganidan xursand ekanligini maʼlum qildi. "Bu zoʻr kun boʻldi, har jihatdan yoqimli oʻyin oʻtkazdim.

Jamoamga yordam bera olganimdan xursandman va bugungi gʻalaba men uchun oʻzgacha ahamiyatga ega", – dedi Eze BBCga bergan intervyusida. "Arsenal" 12 turdan keyin hisobida 29 ochko bilan Angliya chempionati turnir jadvalida peshqadamlik qilmoqda.