Londonning "Arsenal" jamoasi yarim himoyachisi Deklan Rays "Chelsi" o'yinchisi Moyses Kaysedo bilan taqqoslashlar haqida fikr bildirdi. Futbol jamoatchiligi fikriga ko'ra, ingliz va ekvadorlik futbolchilar ayni damda Premer-liganing eng yaxshi yarim himoyachilari hisoblanadi.
Yakshanba kuni ularning jamoalari chempionatning 13-turida o'zaro bellashadi. "Men Kaysedoni juda hurmat qilaman – o'tgan mavsumda men uni Premer-liganing yilning eng yaxshi jamoasi tarkibiga kiritgan edim.
U o'zini ajoyib tarzda ko'rsata oldi. Bizni ko'p hollarda taqqoslashadi, lekin biz turli pozitsiyalarda o'ynaymiz", – dedi Rays Chempionlar Ligasi doirasida "Bavariya" ustidan 3:1 hisobida qozonilgan g'alabadan so'ng CBS Sportsga bergan intervyusida.
Hozirda "Arsenal" Premer-liga turnir jadvalida 29 ochko bilan yetakchilik qilmoqda. "Chelsi" esa 23 ochko bilan ikkinchi o'rinda bormoqda.
Mehmon guruhidagi foydalanuvchilar ushbu nashrga izoh qoldira olmaydi.
