"Arsenal" jamoasining besh nafar asosiy futbolchisi Chempionlar ligasi chorak final javob uchrashuvi doirasidagi "Sporting"ga qarshi o'yin oldidan o'tkazilgan mashg'ulotlarda ishtirok etmadi. Ular orasida Deklan Rays, Bukayo Saka, Martin Odegard, Rikkardo Kalafiori va Yurriyen Timber bor. Bu haqda Goal.com xabar beradi.
Deklan Raysning mashg'ulotda ko'rinish bermagani mutaxassislar uchun kutilmagan hol bo'ldi. Yarim himoyachi o'tgan dam olish kunlari Premyer-liga doirasidagi "Bornmut"ga qarshi bahsda to'liq 90 daqiqa harakat qilgan edi.
Uning yo'qligi hal qiluvchi o'yin oldidan jiddiy xavotirlarga sabab bo'lmoqda.
Jamoa sardori Martin Odegard va qanot hujumchisi Bukayo Saka hamon tiklanish jarayonini davom ettirmoqda. Odegardning yo'qligi maydon markazida ijodkorlik borasida katta bo'shliqni yuzaga keltirmoqda.
Mikel Arteta ushbu yetakchi futbolchilarning xizmatidan foydalana olmaslik ehtimoli yuqori.
Himoya chizig'ida ham muammolar kuzatilmoqda. Italiyalik Rikkardo Kalafiori va jarohatidan qutulishga urinayotgan Yurriyen Timber ham umumiy guruhga qo'shilmadi.
"Arsenal"ni oldinda nafaqat Yevropa maydonidagi bahs, balki yakshanba kuni "Manchester Siti"ga qarshi chempionlik poygasidagi muhim o'yin kutib turibti.
“Zamin”ni Telegramʻda oʻqing!
