
Rossiya terma jamoasining sobiq futbolchisi Igor Kolivanov joriy mavsumda Ispaniya chempionatidagi "Barselona"ning o‘yinlari haqida o‘z fikrlarini bildirdi. Mutaxassis o‘z mulohazalarini "Euro-Futbol.Ru" internet nashriga bergan intervyusida aytib o‘tdi.
"Agar sen doim shunday o‘ynasangki, seni mag‘lub etishning imkoni bo‘lmasa, bu o‘yinda hamma narsa senga osonlik bilan berilayotganini sezasan. "Barselona" so‘nggi ikki yil davomida, ayniqsa, Ispaniya chempionatida raqiblarini bir eshikdan o‘tkazib yuboryapti.
Natijada, o‘zlari ham bunday osonlikdan charchab qolishadi. Ayrim jamoalar uchun esa "Barselona"ni mag‘lub etish butun yil davomida muxlislarni xursand qilish uchun yetarli.
Masalan, "Sevilya"dan 1:4 hisobidagi mag‘lubiyatni eslang, "Barselona" o‘yinchilari o‘zlari ham bunday bosimga tushib qolishni kutishmagandi", - dedi Kolivanov. La Liga turnir jadvalida "Barselona" 13 turdan keyin 31 ochko bilan ikkinchi o‘rinda bormoqda.
Peshqadam "Real" bilan farq esa atigi bir ochkoni tashkil etadi. Kataloniya klubi Ispaniyaning amaldagi chempioni hisoblanadi.
Mehmon guruhidagi foydalanuvchilar ushbu nashrga izoh qoldira olmaydi.