«Rosario Sentral» futbolchisi Anxel di Mariya yaqin kelajakda murabbiylik faoliyatini boshlash niyatida ekanligini maʼlum qildi. Jahon chempioni bo‘lgan argentinalik yulduzning amaldagi shartnomasi kelasi yil iyun oxirida tugaydi, biroq uni yana bir yilga uzaytirish imkoniyati mavjud.
Hozircha Di Mariya qachon futbolchilik faoliyatini yakunlashini bilmaydi, ammo oʻzini kelajakda murabbiy sifatida koʻrmoqda. «Men Leandro Paredes bilan birga murabbiylar shtabi yaratish ustida ishlamoqdaman.
Litsenziya olish uchun murabbiylik kurslarini oʻtayapman. Bizning jamoalarimiz har doim 4-3-3 sxemasi boʻyicha oʻynaydi, bu haqda biz Leandro bilan kelishib oldik.
Faoliyatimiz tugaganidan soʻng, 'Rosario Sentral' va 'Boka Xuniors'ni boshqarishni orzu qilamiz», – deya Di Mariyaning soʻzlarini The Touchline nashri keltirmoqda. 37 yoshli futbolchi joriy yil iyul oyida «Benfika»dan Rosario klubiga koʻchib oʻtgan edi.
Mehmon guruhidagi foydalanuvchilar ushbu nashrga izoh qoldira olmaydi.
