Ispaniyaning "Barselona" klubi vinger Sheyn Kluivert bilan yangi shartnoma bo'yicha muzokaralarni boshladi. Bu haqda mashhur jurnalist Fabrisio Romano o'zining ijtimoiy tarmoqlarida xabar berdi.
Manbalarga ko'ra, 18 yoshli iste'dod egasi, hozirda "Barselona B" tarkibida to'p surayotgan Kluivert hali yakuniy qarorini qabul qilmagan. Uning amaldagi shartnomasi kelasi yil yozda o'z nihoyasiga yetadi.
Futbolchi "Barselona" akademiyasiga 2017 yil iyul oyida "PSJ"ning yoshlar jamoasidan erkin agent sifatida qo'shilgan edi. Joriy mavsumda Sheyn Segundada 4 ta o'yinda va UEFA Yoshlar ligasida 5 ta o'yinda maydonga tushib, "PSJ" darvozasiga 1 ta gol urishga muvaffaq bo'lgan.
Uning otasi, Patrik Kluivert, 1998 yildan 2004 yilgacha "Barselona" tarkibida o'ynagan va Gollandiya terma jamoasining asosiy futbolchilaridan biri bo'lgan.
Mehmon guruhidagi foydalanuvchilar ushbu nashrga izoh qoldira olmaydi.
