Chorshanba oqshomida Osiyo Chempionlar Ligasi doirasida "Al-Zavra" (Iroq) va "Al-Nasr" (Saudiya Arabistoni) jamoalari oʻrtasida oʻyin boʻlib oʻtadi. Mehmon jamoa oʻyin uchun boshlangʻich tarkibini eʼlon qildi.
Unda yulduzli portugaliyalik hujumchi Krishtianu Ronaldu ishtirok etmaydi. Ronalduning bu oʻyinda ishtirok etmasligi kutilmagan hol emas edi.
"Al-Nasr" bosh murabbiyi Jorge Jezus oʻyindan oldin bergan intervyusida Ronalduning 40 yoshga toʻlganini va uni ehtimoliy jarohatlardan saqlash maqsadida dam oldirilishini aytgan edi. Osiyo Chempionlar Ligasining birinchi turida "Al-Nasr" "Istiqlol" jamoasini 5:0 hisobida magʻlubiyatga uchratgan edi.
Oʻsha oʻyinda ham Krishtianu Ronaldu maydonga tushmagan edi. "Al-Zavra" va "Al-Nasr" oʻyinini LiveResult portalida matnli translyatsiya orqali kuzatib borishingiz mumkin.
Mehmon guruhidagi foydalanuvchilar ushbu nashrga izoh qoldira olmaydi.
