«Barselona» bosh murabbiyi Xansi Flik jamoaning navbatdagi uchrashuv oldidan holati va tayyorgarlik jarayoni haqida batafsil to‘xtalib o‘tdi. Uning aytishicha, yaqinda qayd etilgan 0:3 hisobidagi yirik mag‘lubiyat jamoa ruhiyatiga jiddiy ta’sir ko‘rsatgan, ammo futbolchilar bundan xulosa chiqarib, yanada kuchliroq ishlayapti.
Flikning ta’kidlashicha, o‘sha natija barchani ranjitgan, chunki «Barselona» o‘sha o‘yinga faqat g‘alaba uchun tushgan edi. Biroq murabbiy vaziyatni ortda qoldirish va oldinga qarash vaqti kelganini aytadi:
«O‘tgan o‘yindagi natija hammani xafa qildi. Lekin bo‘lib o‘tgani o‘tdi. Eng muhimi — bugungi mehnatimiz va qay darajada o‘sayotganimiz», — deydi u.
🔵 Jamoada ijobiy o‘zgarishlar
Flik mashg‘ulotlardagi ruhiyatdan mamnun. Uning fikricha, jamoa hozir yuqori tempda ishlayapti, o‘yinchilarda mahorat ham, istak ham yetarli.
Eng yaxshi yangiliklardan biri — Pedrining safga qaytishi. Shuningdek, gripp sababli o‘yinlarda qatnashmagan Rafinya va Markus Reshford ham tiklanib bormoqda.
Flik Rafinyani jamoa uchun eng muhim figuralardan biri sifatida ko‘radi:
«Rafinyasiz o‘yin falsafamizda katta bo‘shliq sezildi. U himoyada ham, pressingda ham, hujumni boshlashda ham biz uchun asosiy vazifalarni bajaradi. O‘tgan mavsumdagi gollari tasodif emas — bu uning darajasi», — dedi murabbiy.
Flikning aytishicha, braziliyalik vinger yana o‘sha yuqori formasiga qaytib, jamoaga yangi kuch qo‘shishni istayapti.
🔵 «Barselona»da ruhiy tiklanish boshlandi
Mag‘lubiyatdan keyingi qiyin pallaga qaramay, jamoa asta-sekin tiklanayapti. Flikning fikricha, asosiy maqsad — ishonchni tiklash va keyingi o‘yinda o‘z so‘zini aytish.
Futbolchilar safining to‘liqlana boshlashi va muhim o‘yinchilarning tiklanishi klub muxlislariga ham umid beradi.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
