MLS pley-off bosqichining muhim o‘yinlaridan biri Mayamida kechdi. «Inter Mayami» o‘zini mehmondek his qiladigan stadionida «Nyu-York Siti»ni qabul qildi va muxlislar intiqlik bilan kutganidek, jamoa haqiqiy gollar festivalini namoyish etdi. Uchinchi qismgacha intrigani ushlab turgan bellashuv 5:1 hisobida mayamiliklar foydasiga hal bo‘ldi.
Allendening het-triki va Messining mehnati o‘yin muborakchisi bo‘ldi
Uchrashuvning eng yorqin personaji shubhasiz Allende bo‘ldi. U 14, 23 va 89-daqiqalarda darvozani aniq nishonga olib, haqiqiy mahorat darsini ko‘rsatdi. Messi esa an’anaviy uslubida o‘yinni boshqarib, tezkor paslar va chuqurdan tashkil etilgan hujumlar bilan raqibni bir necha bor “chalg‘itib” qo‘ydi. Argentinalik superyulduz uchrashuv davomida 1 ta aniq golli pas uzatib, jamoa o‘yinining markazida ekanini yana bir bor isbotladi.
Shu bilan birga, gollar paradida yana ikki futbolchi ham sahnaga chiqdi — Segoviya va Silvetti o‘z imkoniyatlarini uta yuqori maxorati bilan yakunlab, hisobni yirik ko‘rinishda mustahkamladi.
"Mayami" tarixiy natijaga erishdi — ilk bor Sharqiy Konferensiya chempioni
Mazkur g‘alaba bilan «Inter Mayami» o‘z tarixida birinchi marta Sharqiy Konferensiya chempioni maqomiga ega chiqdi. Bu jamoa uchun katta voqea — tarkibdagi yulduzlar, ayniqsa Messi va uning atrofida shakllanayotgan yangi tizim o‘z samarasini berayotganining tasdig‘i.
Endilikda Maskerano boshliq jamoa pley-off finalida maydonga tushadi. Raqib nomi hali aniq emas — «San Diyego» yoki «Vankuver». Qaysi biri bo‘lmasin, "Mayami" uchun navbatdagi sinov katta, ammo bugungi o‘yinning kayfiyatidan kelib chiqib aytish mumkinki, jamoa o‘zini juda ishonchli his qilmoqda.
Inter Mayami — Nyu-York Siti 5:1
Gollar: Allende 14, 23, 89 (het-trik), Silvetti 67, Segoviya 83 — Haak 37.
Inter Mayami — Rios Novo, Alba, Allen (Brayt 57), Falkon, Veygandt (Frey 57), de Paul, Buskets, Allende, Rodriges (Segoviya 72), Messi, Silvetti (Suares 82).
Mayamining bu g‘alabasi futbol muxlislariga yana bir bor MLSda yuqori darajadagi shou mavjudligini eslatdi. Messi va jamoadoshlari esa bu shouning markazida bo‘lib qolmoqda.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
