O‘zbekiston o‘smirlar terma jamoasi bosh murabbiyi jahon chempionatidan so‘ng o‘z lavozimini tark etdi. Bu haqda Upl.uz xabar beradi.
Tsikl yakunlanganidan so‘ng Islom Ismoilov klub futbolida faoliyat olib borishga qaror qilgan. Insayderlar ma’lumotiga ko‘ra, Ismoilov Farg‘onaning “Neftchi” klubini boshqarishga yaqin turibdi.
Ta’kidlanishicha, 34 yoshli mutaxassis amaldagi murabbiy Vitaliy Levchenkoni almashtirishi mumkin. Shuni qayd etish joizki, Vitaliy Levchenko klub bilan 2026 yil oxirigacha amaldagi shartnomaga ega.
Biroq u klubni tark etib, Qozog‘iston yoki Ukrainadagi jamoalardan birini boshqarishi ehtimoli yuqori. Eslatib o‘tamiz, Levchenko “Neftchi”ni 24 yillik tanaffusdan so‘ng chempionlikka olib chiqqan.
Jamoa kelasi mavsumda Osiyo Chempionlar Ligasi Elita bosqichida ishtirok etadi.
Mehmon guruhidagi foydalanuvchilar ushbu nashrga izoh qoldira olmaydi.
