Angliya chempionatining 14-turida "Liverpul" o'z maydonida "Sandrlend" jamoasini qabul qiladi. "Evro-Futbol.
Ru" nashri ushbu o'yin uchun taxminiy asosiy tarkiblarni taqdim etdi. "Liverpul" tarkibi: Alisson (darvozabon), Robertson, van Deyk, Ibraima Konate, Kyortis Jons, Aleksis Mak Allister, Gravenberx, Gakpo, Soboslay, Saloh, Ekitike.
"Sandrlend" tarkibi: Rufs (darvozabon), Mandava, Alderete, Ballard, Mukiele, Xyum, Le Fe, Sadiki, Jaka, Mayenda, Brobbi. "Liverpul" safida Jovanni Leoni uzoq muddatga jarohat olgani sabab o'yinda qatnasha olmaydi.
"Lids"ga qarshi o'yinga esa Jeremi Frimpong va Konor Bredli qaytishi kutilmoqda. "Sandrlend" jamoasida esa Habib Diarra va Alez Adjibola jarohat tufayli maydonga tusha olmaydi.
Avvalgi turda "Liverpul" "Vest Xem"ni 2:0 hisobida mag'lub etgan bo'lsa, "Sandrlend" "Bornmut"ni 3:2 hisobida yengdi. Turnir jadvalida "qizillar" "qora mushuklar"dan bir ochko ortda qolmoqda.
Shuni ham ta'kidlash kerakki, "Liverpul" so'nggi ikki uy uchrashuvini yirik hisobda boy bergan: "Nottingem Forest"ga qarshi 0:3 va "PSV Eyindxoven"ga qarshi 1:4. "Liverpul" va "Sandrlend" jamoalari bugun, 3-dekabr kuni, Toshkent vaqti bilan 01:15da "Enfild" stadionida to'qnash keladi.
Ushbu uchrashuvning matnli onlayn translyatsiyasini o'tkazib yubormang. “Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing Mavzuga oid yangiliklar
Ma’lumot
Mehmon guruhidagi foydalanuvchilar ushbu nashrga izoh qoldira olmaydi.
Mehmon guruhidagi foydalanuvchilar ushbu nashrga izoh qoldira olmaydi.
