Real Madrid klubi o'z rasmiy saytida himoyachi Trent Aleksander-Arnoldning jarohati bo'yicha bayonot e'lon qildi. Futbolchi Ispaniya chempionati doirasida Atletik klubiga qarshi o'yinda almashtirildi.
Ushbu uchrashuvda "Qirollik klubi" safarda 3:0 hisobida g'alaba qozondi. Tibbiy ko'rik natijalariga ko'ra, Trentning chap oyog'idagi kvadriseps mushaklarida shikast aniqlangan.
"Qirollik klubi" 27 yoshli futbolchining qaytish muddati haqida ma'lumot bermadi. E'tiborlisi, Trent Aleksander-Arnold yaqinda ham Realning jarohatlanganlar ro'yxatida bir oyga yaqin vaqt o'tkazgan edi.
Angliyalik futbolchi yoz faslida Madrid klubiga qo'shilgan bo'lib, "Qirollik klubi" safida jami 16 ta o'yinda maydonga tushib, uchta golli uzatmaga mualliflik qilgan. Hozirda Real La Liga turnir jadvalida ikkinchi o'rinni egallab turibdi.
Birinchi o'rindagi Barselonaning esa ulardan bir ochkoga ko'proq natijasi bor. “Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing Mavzuga oid yangiliklar
Ma’lumot
Mehmon guruhidagi foydalanuvchilar ushbu nashrga izoh qoldira olmaydi.
Mehmon guruhidagi foydalanuvchilar ushbu nashrga izoh qoldira olmaydi.
