Fabregas faqat ikki top-klubni tanlaydi

Komoning bosh murabbiyi Sesk Fabregas klubni tark etishni rejalashtirmayapti, biroq ma'lum sharoitlarda qarorini qayta ko‘rib chiqishi mumkin. Ispaniyalik mutaxassis Italiyada ajoyib ish olib bormoqda va bu uning obro‘si oshishiga sabab bo‘lmoqda.

Diario Sport xabariga ko‘ra, 38 yoshli Fabregas faqat «Barselona» yoki «Manchester Siti»dan taklif bo‘lsa, Komoni tark etishga tayyor. O‘tgan yozda «Inter» Fabregasni o‘z safiga qo‘shib olishga urinib ko‘rdi.

So‘nggi paytlarda esa uni Madridning «Real» klubi bilan bog‘lashgan. Ayni damda «Komo» A Seriyada 13 turdan keyin 24 ochko bilan beshinchi o‘rinda bormoqda.

“Zamin”ni Telegramʻda oʻqing!