Lionel Messi o‘zining afsonaviy karerasiga yana bir yorqin sahifa qo‘shdi. 38 yoshli argentinalik superhujumchi MLS-2025 Kubogi finalida “Inter Mayami”ni boshlab, “Vankuver Uaytkaps” ustidan 3:1 hisobidagi ishonchli g‘alabaga hissa qo‘shdi va AQSHdagi ilk chempionligini qo‘lga kiritdi.
Ushbu yutuq bilan Messi professional faoliyatida uchinchi mamlakat chempionatida zafar quchdi. U avvalroq Ispaniyada “Barselona” bilan 10 marta, Fransiyada “PSJ” safida ikki bor milliy chempionlikni qo‘lga kiritgandi. MLSdagi g‘alaba esa uning kolleksiyasidagi navbatdagi yirik sovrin sifatida tarixda qoladi.
“Inter Mayami”ga 2023-yilda kelib qo‘shilgan Messi qisqa fursatda klubning yuragiga aylandi. Uning 2028-yilgacha mo‘ljallangan shartnomasi jamoaga yana bir necha mavsum yuqori maqsadlar qo‘yish imkonini beradi. Joriy mavsumning o‘zidayoq Messi 41 uchrashuvda maydonga tushib, 38 ta gol urdi va 23 ta golli uzatma amalga oshirdi — bu esa uning hali ham oliy darajada ekanini isbotlab turibdi.
Yangi chempionlik — Messi uchun navbatdagi marra, muxlislar uchun esa yana bir esda qolarli hikoya. Endi “Inter Mayami” unga yetakchilik qilgan holda yangi titullar sari yo‘l oladi.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
