Neapol futboli yana bir bor o‘z nufuzini isbotladi. «Napoli» 2025 yil A Seriya doirasidagi barcha uy uchrashuvlarini mag‘lubiyatsiz yakunladi va shu bilan klub tarixidagi eng muvaffaqiyatli yillardan biriga imzo chekdi. Antonio Konte boshchiligidagi jamoa o‘z maydonidagi har bir bahsda qattiq yondi va raqiblariga deyarli imkoniyat qoldirmadi.
7 dekabr kuni kechasi bo‘lib o‘tgan markaziy to‘qnashuvda «Yuventus» ustidan 2:1 hisobida qozonilgan muvaffaqiyat yilning so‘nggi uy o‘yinidagi ishonchli nuqta bo‘ldi. Shu tariqa, «Napoli» 2025 yil davomida chempionat doirasidagi 17ta uy uchrashuvida 13ta g‘alaba va 4ta durang qayd etib, mag‘lubiyatsiz seriyani saqlab qoldi.
Qizig‘i shundaki, bu kabi natijani so‘nggi bor klub 1987 yilda qayd etgan — o‘shanda jamoa 11ta uydagi g‘alaba va 3ta durang bilan mavsumni yorqin yakunlagan edi. Ortiqcha gapsiz, Neapol jamoasi yana o‘sha davrdagi barqarorlik va xarakterni namoyish etmoqda.
Konte qo‘l ostida jamoa nafaqat hisobda, balki o‘yin uslubida ham jiddiy rivojlanishga erishdi. Raqiblar uchun «Diyego Maradona» stadioni yana qaytadan qo‘rqinchli maskanga aylandi — bu joyda favorit ham, autsayder ham birdek qiynalib o‘ynayapti.
Ma’lumot o‘rnida, «Napoli» A Seriyadagi navbatdagi uy uchrashuvini 7 yanvar kuni «Verona»ga qarshi o‘tkazadi. 14 turdan keyin jamoa musobaqa jadvalida peshqadamlikni qo‘lga kiritgan va chempionlik poygasida bir qadar ishonchli qadam tashlab bormoqda.
Neapol muxlislari uchun bu yil xotiralarda uzoq saqlanadigan tarixiy davr bo‘ldi — va eng qizig‘i, hali eng muhim onlar oldinda.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
