Birlashgan Arab Amirliklarining dovrug‘li Dubay shahrida o‘tkazilayotgan erkaklar o‘rtasidagi Jahon chempionati qizg‘in pallaga kirdi. Musobaqaning to‘rtinchi kechasi ayniqsa o‘zbek muxlislari uchun kuchli emotsiyalarga boy bo‘ldi — bugungi dasturda 4 nafar hamyurtimizning janglari belgilangan edi.
-54 kilogrammlik toifada ringga ko‘tarilgan Asilbek Jalilov mutlaq ustunlik bilan ish ko‘rdi. U Ganadan kelgan raqibi Amadu Mohammedga bir lahza ham imkoniyat qoldirmasdan, jangni to‘liq nazorat qildi va hakamlar yakdil qarori bilan 5:0 hisobida g‘alabani qo‘lga kiritdi. Jalilovning harakatlari, tezkorligi va aniq zarbalari mushtlashuvning ilk daqiqalaridanoq ustun tomonni belgilab berdi.
Muxlislar esa hali kecha tugamagan — birozdan so‘ng yana bir vakilimiz, g‘ayratli Akmaljon Isroilov bahsga chiqadi. Uning raqibi qozog‘istonlik tajribali bokschi Daulet Tulemissov. Ushbu jangning ham yuqori sur’atda o‘tishi kutilmoqda, zero Isroilovning bugungi formasi ancha ishonchli ko‘rinmoqda.
Dubay Jahon chempionatida har kuni yangi hayajon, yangi dramatizm va yangi g‘alabalar. O‘zbek boks maktabi esa yana bir bor o‘z "klass"ini namoyish etmoqda.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
