Angliya Premer-ligasining 16-turi doirasida o‘tkazilgan navbatdagi ikki uchrashuv futbol muxlislariga yoqimli taassurotlar ulashdi. Turning markaziy bahslaridan biri «Enfild»da bo‘lib o‘tdi.
«Liverpul» o‘z maydonida «Brayton»ni qabul qilib, raqibini ishonchli tarzda 2:0 hisobida mag‘lub etdi. Uchrashuv qahramoni Ugo Ekitike bo‘lib, u ikki bor raqib darvozasini ishg‘ol qildi va jamoasiga muhim uch ochko keltirdi. Qiziq tomoni, uchrashuvning 26-daqiqasida Muhammad Saloh zaxiradan maydonga tushdi va o‘yinga yangi sur’at bag‘ishladi. Bu g‘alaba orqali mersisaydliklar turnir jadvalidagi pozitsiyasini mustahkamladi.
Liverpul – Brayton 2:0
Gollar: Ekitike 1, 60
Liverpul: Alisson, Gomes (Saloh, 26), van Deyk, Konate, Kerkez, Virts (Robertson, 78), Soboslai (Keza, 83), Makallister, Jons, Gravenberh, Ekitike (Isak, 78)
Brayton: Verbruggen, Dank, van Heke, Kadioglu, Viyeffer, Gruda (Mitoma, 64), Minte, Hinshelvud (Uelbek, 82), Baleba (Ayari, 64), Gomes, Ryutter (Kostoulas, 82).
Ogohlantirishlar: Konate 64 – Gomes 45+3, Dank 59
Shu kuni Londonda «Chelsi» ham muxlislarini quvontirdi. «Stemford Bridj»da «Everton»ga qarshi kechgan bahsda «ko‘klar» 2:0 hisobida ustun keldi. Uzoq vaqtdan beri gol ura olmayotgan Koul Palmer nihoyat o‘z so‘zini aytdi va hisobni ochdi. Birinchi bo‘lim oxirida esa Malo Gusto jamoasining ikkinchi goliga mualliflik qildi. Ushbu natija «Chelsi»ga yuqori o‘rinlar uchun kurashda muhim turtki berdi.
Chelsi – Everton 2:0
Gollar: Palmer 21, Gusto 45+1
Chelsi: Sanches, Kukurelya, Chaloba, Gusto, Fofana, Net-u, Enso, Palmer (Andrey Santos, 58), Jeyms, Garnacho (Gittens, 65), Joao Pedro (Estevao, 81).
Everton: Pikford, Kin, Tarkovski, O‘Brayen, Ndiaye, Mikolenko, Grilish (Dibling, 84), Holl (Alkaras, 16), Guye, Garner, Barri (Bet-u, 68)
Shu tariqa, 16-tur doirasida «Liverpul» ham, «Chelsi» ham o‘z maydonlarida ishonchli o‘yin namoyish etib, muxlislarini xursand qildi. Premer-ligada kurash yanada qizg‘in tus olyapti va oldinda yana ko‘plab intrigali uchrashuvlar kutib turibdi.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
