“Al-Jaish” – “Bunyodkor” uchrashuvi oldidan tashkil etilgan matbuot anjumanining ikkinchi qismida “qaldirg‘ochlar” ishtirok etishdi.
Unda bosh murabbiy Sergey Lushchan va jamoa hujumchisi Eldor Shomurodov OAV vakillari savollariga javob qaytarishdi.
- Qatarga har safar tashrif buyurganimda kayfiyatim ko‘tariladi. Mehmondo‘stlik, tashkiliy ishlar va boshqalar juda yaxshi. Bizni juda muhim bo‘lgan bahs kutib turibdi. Maydonda qanday kurash kechishidan qat’inazar, birinchi navbatda muxlislar yutadigan o‘yin bo‘ladi. Uchrashuvdan keyingi kayfiyatimiz a’lo darajada bo‘lishi uchun maydonda katta kuch sarflashga tayyormiz. “Pley-off” uchrashuvini ilk bor safarda o‘tkazyapmiz. Fikrimcha, bu jihat bizga qo‘shimcha muammolar to‘g‘dirmaydi. “Bunyodkor” mehmonda o‘ynashni juda yaxshi biladi. Imkoniyatlar teng. To‘g‘ri, O‘zbekistonda hali chempionat uchrashuvlari boshlangani yo‘q. Biroq, biz bu jihatni avvaldan inobatga olib, aynan 7 fevraldagi bahsga maxsus reja asosida tayyorgarlik ko‘rdik. Jami 12 ta nazorat uchrashuvi o‘tkazdik va jamoani yanada shakllantirdik. BAAdagi sharoitlar ajoyib bo‘ldi. Qo‘l ostimdagilar Osiyo Chempionlar ligasi musobaqasi qadrini juda yaxshi tushunishadi va buni yaxshi his etib turishibdi. Biz bahsga tayyormiz, - deydi Sergey Lushchan.
- “Al-Jaish”ni yaxshi o‘rgandik. Uchrashuv qanday ahamiyatga ega ekanligini yaxshi bilamiz. Ertangi raqibimiz arab diyorining eng kuchli jamoalaridan biri bo‘lsa-da, “Al-Jaish”ga hurmat saqlagan holda ularni mag‘lub etib OChL-2017 guruh bosqichiga yo‘l olmoqchimiz. Sardor Rashidov bizni qanday bilsa, o‘z navbatda biz ham uning imkoniyatlarini va mahoratini juda yaxshi bilamiz. Faqat g‘alaba uchun maydonga chiqamiz, - deydi Eldor Shomurodov.
Manba: www.fcbunyodkor.com “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Samarqandda haydovchidan pora so‘ragan YPX xodimlari ishdan bo‘shatildi
Yana ikki xorijiy kompaniya O‘zbekistonda pullik avtomobil yo‘li qurishga qiziqyapti
Ruslanbek Jiyanov: "Yaponiya terma jamoasi bilan ikki yil avval ham to‘qnash kelganmiz"
SSKA ustozi Fedotov Abbos Fayzullayevning jamoaga qaytgani haqida nima dedi?
Tbilisidagi namoyishlar: politsiya qalampir gazidan foydalandi
Kuleba Rossiya qachon muzokaralarda ishtirok etishi mumkinligi haqida gapirdi
Navoiyda avtomashinasiga sirena o‘rnatib harakatlangan haydovchiga chora ko‘rildi
O‘zbekistonda qaysi davlatlarning kapitali ishtirokidagi korxonalar soni ko‘p?