Xorvatiya terma jamoasi sardori Luka Modrich FIFAning yilning eng yaxshi futbolchisi bo'yicha The Best sovrini uchun ovoz berdi. Marosim seshanba kuni bo'lib o'tdi va umumiy ovoz berish yakunlariga ko'ra, sovrin «PSJ» hujumchisi Usmon Dembelenga nasib etdi.
40 yoshli Modrich, hozir «Milan» safida to'p surayotgan bo'lsa-da, shaxsiy reytingida birinchi o'ringa «PSJ» yarim himoyachisi Vitinyani qo'ydi. Ikkinchi pog'onani Dembelening o'zi egalladi, uchinchi o'ringa esa «Barselona»ning yosh yulduzi Lamin Yamal joy oldi.
E'tiborlisi, Modrichning uchligidan Kilian Mbappe o'rin olmadi. Modrich Mbappe bilan joriy yil yozigacha Madridning «Real» klubida birga o'ynagan.
Darvozabonlar bo'yicha Modrich «Real»dagi sobiq jamoadoshi Tibo Kurtuani emas, «PSJ» posboni Janluiji Donnarummani eng yaxshisi deb bildi. Kurtua ikkinchi o'rinni oldi, uchinchi pog'onani esa «Liverpul» darvozaboni Alisson Beker band etdi.
Mehmon guruhidagi foydalanuvchilar ushbu nashrga izoh qoldira olmaydi.
