Marsel prezidenti Meyson Grinvudning huquqlari haqida gapirdi

Marsel klubi prezidenti Pablo Longoriya jamoa hujumchisi Meyson Grinvud borasidagi shartnoma tafsilotlariga izoh berdi. 24 yoshli futbolchini muntazam ravishda nufuzliroq klublar bilan bog'layotgan mish-mishlar fonida Longoriya Marselning futbolchi ustidan qaysi huquqlarga egaligini aniq bayon qildi.

Longoriyaning aytishicha, klub Grinvudning iqtisodiy huquqlarining 60 foiziga, sport huquqlarining esa 100 foiziga ega. Agar Marsel Chempionlar ligasiga yo'llanma olsa, iqtisodiy ulush 65 foizgacha oshirilishi mumkin.

U futbolchining o'sishidan mamnunligini bildirib, bosh murabbiy Roberto De Dzerbi Grinvud bilan juda samarali ish olib borayotganini ta'kidladi. 2025/2026 yilgi mavsumda Grinvud 21 uchrashuvda 14 ta gol urdi va 4 ta golli uzatmani amalga oshirdi.

Marsel Fransiya chempionati turnir jadvalida uchinchi o'rinda bormoqda. “Zamin”ni Telegramʻda oʻqing!