FIFA Saudiya Arabistonining “Al-Nasr” klubiga nisbatan sanksiya qo'lladi. Qarorga ko'ra, jamoaga yangi futbolchilarni ro'yxatdan o'tkazish taqiqlangan.
Bu haqdagi ma'lumot FIFAning rasmiy saytida tegishli bo'limda e'lon qilingan. Manbalarga ko'ra, jazoga klubning boshqa jamoalar oldidagi qarzdorligi sabab bo'lgan.
Mundo Deportivo jurnalistlari “Al-Nasr” 2023 yilda himoyachi Emerik Laport transferi bo'yicha to'lovlarni to'liq amalga oshirmagan bo'lishi mumkinligini taxmin qilmoqda. Shuningdek, klubning avvalroq amalga oshirilgan Ahmad Musa transferi yuzasidan ham qarzdorligi bo'lishi ehtimoldan xoli emas.
“Al-Nasr” safida yulduz hujumchi Krishtianu Ronaldu to'p suradi. Taxminlarga ko'ra, u klubning transfer siyosati va muzokaralar jarayonida faol ishtirok etib kelmoqda.
FIFA sanksiyalari Ronaldu hamda klubning umumiy transfer rejalari amalga oshishiga jiddiy ta'sir ko'rsatishi mumkin.
Mehmon guruhidagi foydalanuvchilar ushbu nashrga izoh qoldira olmaydi.
