Bundesliganing 15-turida «Gamburg» o'z maydonida «Ayntraxt»ni qabul qildi. Uchrashuv 1:1 hisobidagi durang bilan yakunlandi.
18-daqiqada mehmonlar darvozaboni to'pga chiqishda xatoga yo'l qo'ydi, Nnamdi Kollinz esa uni uzoqqa tepib yubora olmadi. Vaziyatdan Albert-Mboyo Sambi Lokonga unumli foydalanib, hisobni ochdi – 1:0.
Oradan ko'p o'tmay Nataniyel Braun jarima maydoniga aniq pas uzatdi va Ugo Larsson zarbasi bilan muvozanatni tikladi – 1:1. Birinchi bo'limda «Gamburg» tezkor hujumda Ryan Filipp orqali darvoza to'sinini «jaranglatdi», Uilyam Mikelbrenzisning qayta zarbasi esa darvoza chizig'i ustida qaytarildi.
Ikkinchi taymda Ansgar Knauff havoda qaychi usulida chiroyli zarba berdi, biroq himoyachi to'p yo'lini to'sdi. Nataniyel Braun gol urishga yaqin keldi, lekin darvoza chizig'i oldida Nikolas Kapaldo xavfni bartaraf etdi.
Mahmud Daudning qayta zarbasi ham shu tarzda bloklandi. Zaxiradan maydonga tushgan Fabiu Viyeyra Ransford Kenigsdyorffer uzatmasidan so'ng mehmonlar darvozasini ikkinchi bor ishg'ol qildi, ammo epizod ofsayd sabab bekor qilindi.
Durangdan so'ng «Gamburg» turnir jadvalida 13-o'rinda, «Ayntraxt» esa 7-pog'onada qoldi. “Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing Mavzuga oid yangiliklar
Ma’lumot
Mehmon guruhidagi foydalanuvchilar ushbu nashrga izoh qoldira olmaydi.
Mehmon guruhidagi foydalanuvchilar ushbu nashrga izoh qoldira olmaydi.
