Elit Osiyo Chempionlar ligasining 6-turi doirasida Qarshining «Nasaf» jamoasi Saudiya Arabistonida «Al Ittihod» mehmoni bo‘ldi. Jidda shahrida bo‘lib o‘tgan uchrashuv katta kurash va ehtiyotkor o‘yin ostida kechdi.
Bellashuvning taqdirini ikkinchi bo‘limda urilgan yagona gol hal qildi. 57-daqiqada fransiyalik yulduz Karim Benzema o‘z mahoratini namoyish etib, mezbonlarga g‘alaba olib keldi. Shu goldan so‘ng «Al Ittihod» hisobda ustunlikni saqlab qoldi.
Elit OCHL. 6-tur
Al Ittihod – Nasaf 1:0
Gol: Benzema 57
Al Ittihod – Raykovich, Danilo, Kadesh, Fabinio (F. Al G‘amdi, 83), Al Shanti (Al Julaydan, 83), Kante, Hamed Al G‘amdi (Mitay, 46), Bergveyn, Diabi, Ahmed Al G‘amdi (Rojer, 46), Benzema.
Nasaf – Abduvohid Ne’matov, G‘olib G‘aybullayev, Murod Rahmatov (Javohir Ubaydullayev, 69), Adenis Shala (Javohir Sidiqov, 78), Zafarmurod Abdirahmatov (Bahodir Halilov, 69), Sharof Muhitdinov (Diyor Abdunazarov, 56), Suhrob Nurulloyev (Davron Usmonov, 80), Sardor Bahromov, Sherzod Nasrullayev, Oybek Bozorov, Umarbek Eshmurodov.
Bu mag‘lubiyat «Nasaf» uchun og‘ir oqibatlarga olib keldi. Ro‘ziqul Berdiyev shogirdlari musobaqada ketma-ket oltinchi bor mag‘lub bo‘lib, keyingi bosqichga chiqish imkoniyatini butunlay yo‘qotdi. Jamoa safarda munosib qarshilik ko‘rsatgan bo‘lsa-da, hal qiluvchi lahzalarda omad yetmasligi sezildi.
G‘alabadan so‘ng «Al Ittihod» o‘z ochkolarini 9 taga yetkazib, turnir jadvalida 6-pog‘onaga ko‘tarildi va pley-off uchun kurashda muhim qadam tashladi. «Nasaf» esa elita musobaqadagi ishtirokini guruh bosqichidayoq yakunladi.
Qisqasi, Jiddadagi bellashuv o‘zbek jamoasi uchun alamli, saudiyaliklar uchun esa strategik ahamiyatga ega natija sifatida tarixda qoldi.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
