«Atletiko» Gallaher uchun 46–52 mln yevro so‘ramoqchi

Yarim himoyachi Konor Gallaher qishki transfer oynasida Madridning «Atletiko» klubini tark etishi mumkin. Bu haqda insayder Ekrem Konur xabar berdi.

Manbaga ko‘ra, ispaniyaliklar Gallaherni ijaraga berishni istamayapti, biroq uni to‘liq transfer orqali sotishga tayyor. «Matraschilar» futbolchidan taxminan 46–52 million yevro ishlab olishni rejalashtirmoqda.

Gallaher xizmatlariga «Manchester Yunayted», «Tottenhem», «Aston Villa», «Nyukasl», «Chelsi», «Milan» va «Yuventus» qiziqish bildirmoqda. Joriy mavsumda 25 yoshli Gallaher barcha musobaqalarni hisobga olganda 25 ta o‘yinda maydonga tushdi, 3 ta gol urdi va 1 ta golli uzatma berdi.
“Zamin”ni Telegramʻda oʻqing!