"Barselona" yarim himoyachisi kelajagini klub bilan bogʻlamoqchi

Kataloniyaning "Barselona" klubi tarbiyalanuvchisi, 22 yoshli yarim himoyachi Fermin Lopes oʻz kelajagi borasida qisqacha fikr bildirdi. Uning soʻzlariga koʻra, Lopes faqat "Barselona" bilan bogʻliq boʻlishini istaydi.

Bu haqda jurnalist Fabritsio Romano ijtimoiy tarmoqlarda xabar berdi. Fermin Lopesning klub bilan amaldagi shartnomasi 2029-yil yozigacha moʻljallangan.

Joriy mavsum Ispaniya La Ligasi doirasida yarim himoyachi 12 ta oʻyinda maydonga tushib, 4 ta gol va 2 ta golli uzatma muallifi boʻldi. "Barselona" 46 ochko jamgʻargan holda turnir jadvalida peshqadamlik qilmoqda.