Angliyada Boxing Day doirasida atigi bitta o‘yin o‘tkazildi: «Old Trafford»da «Manchester Yunayted» «Nyukasl»ni qabul qildi. Mehmonlar to‘pni ko‘proq nazorat qildi va o‘ndan ortiq burchak zarbasi ijro etdi, biroq mezbonlar ko‘proq zarba berdi va ulardan biri hisobni ochib, keyin natijani ushlab turishga imkon berdi.
24-daqiqada chap qanotdan autdan jarima maydoniga to‘p tashlandi. Jeykob Myorfi to‘pni uzoqqa chiqara olmadi va Patrik Dorgu 14 metr masofadan uchib kelayotgan to‘pni chap pastki burchakka aniq yo‘lladi — 1:0.
Tanaffusdan keyin qarshi hujumda Benyamin Sheshko jarima maydonining chap chetiga yorib kirib, yaqin yuqori burchakka kuchli zarba berdi, ammo to‘sin «Nyukasl»ni qutqardi. Keyin Lyuis Xoll maydon markaziga yaqin hududda to‘pni olib qo‘yib, taxminan 24 metrdan darvozaga kuchli zarba yo‘lladi, biroq bu safar ham to‘p to‘singa tegdi.
Chap qanotdan burchak zarbasidan so‘ng to‘p darvozabon maydonchasining uzoq burchagida Fabian Shyorga yetib bordi. U darvozaga zarba berdi, ammo to‘p Lisandro Martinesning qo‘liga tegdi — penalti belgilanmadi.
Keyin Martines Diogu Dalotga uzoq va aniq pas uzatdi, Dalot darvozabon bilan yakkama-yakka chiqib ketdi, biroq yakunda to‘pni to‘sin ustidan oshirib yubordi. Uchrashuv 1:0 hisobida yakunlandi.
Manchester Yunayted – Nyukasl 1:0
Gol: Dorgu 24
Manchester Yunayted – Lammens, Dalot, Dorgu, Shou (Malasiya, 88), Ugarte, Heven, Kazemiro (Yoro, 61), Martines (Fredrikson, 88), Mount (Fletcher, 46), Kunya, Sheshko (Zirkzeye, 60)
Nyukasl – Ramsdayl, Holl, Sher, Tiav, Merfi (Barns, 68), Tonali (Uillok, 77), Gimaraes, Remsi (Joelinton, 68), Gordon, Miley, Voltemade (Vissa, 68)
Ogohlantirishlar: Shou 69, Kunya 90+3 – Tonali 73
«Manchester Yunayted» ochkolar bo‘yicha «Chelsi» va «Liverpul»ga yetib olib, to‘rtinchi o‘ringa ko‘tarildi. «Nyukasl» esa 11-o‘rinni bo‘lishib turibdi.
Mehmon guruhidagi foydalanuvchilar ushbu nashrga izoh qoldira olmaydi.
