Germaniyalik sobiq yarim himoyachi Toni Kroos faoliyati davomida o‘ynagan eng zo‘r klub borasidagi savolga ikkilanmasdan javob berdi. Bu haqda euro-football.ru xabar beradi.
Kroos professional yo‘lini Myunxenning «Bavariya»sida boshlagan: u asosiy jamoada 2007–2014 yillarda to‘p surdi. Shundan so‘ng u Madridning «Real» klubiga ko‘chib o‘tdi va Ispaniya poytaxtida o‘n yil davomida harakat qildi. Keyin esa futbolchilik faoliyatini yakunladi.
«Men o‘ynagan eng yaxshi klubmi? Bu juda oson savol. O‘n yil davomida dunyodagi eng ulkan klub safida maydonga tushganim — omad. «Real» bir katta oila edi, o‘sha yillar nihoyatda samarali o‘tdi. Shubhasiz, faoliyatimdagi eng yaxshi davr», — deya Kroosning so‘zlarini Madrid Xtra keltirdi.
«Qirollik klubi» tarkibida nemis futbolchisi Chempionlar ligasida olti marta g‘olib chiqdi, Ispaniya chempionatida esa to‘rt bor chempionlikni qo‘lga kiritdi.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
