«Sanderlend» bosh murabbiyi Rejis Le Bris «Lids» himoyachisi Jo Rodon jarohat olganidan keyin raqib bilan kurash ancha qiyinlashganini aytdi. APLning 18-turi doirasidagi uchrashuv 1:1 hisobida yakunlandi. Bu haqda euro-football.ru xabar beradi.
28-daqiqada «Sanderlend» hisobni ochgan vaziyatdan so'ng «Lids» o'yin rejimini qayta ko'rib chiqishga majbur bo'ldi: aynan shu epizodda Rodon to'pig'idan jarohat olib, maydonni tark etdi.
«Yaxshi boshladik, gol urdik. Ikkinchini ham urish imkonimiz bor edi. Lekin Rodon maydondan chiqqach, o'yin o'zgardi — ular boshqacha harakat qila boshlashdi. Pastdan to'p chiqarish ham, yuqorida bosim qilish ham qiyin bo'lib qoldi. Bu hal qiluvchi lahza bo'ldi», — deya Le Brisning so'zlarini Yorkshire Evening Post keltiradi.
Mutaxassis, shuningdek, jamoada 8 nafar futbolchi yo'qligiga qaramay, «Sanderlend» xarakter ko'rsatayotganini ta'kidladi: «Kuchli raqibga qarshi o'yinning muayyan qismida yaxshi harakat qildik. Ular hozir juda yaxshi formada, shuning uchun natijadan mamnunman».
Durangdan keyin «Sanderlend» 28 ochko bilan 7-o'rinda bormoqda va yevrokuboklar zonasidan atigi 1 ochko ortda. «Lids» esa 20 ochko bilan 16-pog'onada joylashgan.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
