Rossiya terma jamoasi bosh murabbiyi Valeriy Karpin 2025 yil yakunlarini baholab, bu davrni jamoa rasmiy musobaqalardan chetlatilganidan keyingi eng muvaffaqiyatli yil deb atadi. Bu haqda euro-football.ru xabar beradi.
Mutaxassis «Match TV»ga bergan fikrida o'yinlar sifati, raqiblar darajasi va yangi futbolchilarning jalb etilishi kabi ko'rsatkichlar bo'yicha 2025 yil alohida ajralib turganini ta'kidladi.
Karpinning qo'shimcha qilishicha, o'tayotgan yil davomida Rossiya terma jamoasida 11 nafar futbolchi debyut qilgan.
Eslatib o'tamiz, 2025 yilda jamoa xalqaro taqvimdagi barcha besh oynadan foydalandi va jami 10 uchrashuv o'tkazdi. Bu bahslarda Karpin shogirdlari atigi bir marta mag'lub bo'ldi — 15 noyabr kuni Sochida Chili terma jamoasiga 0:2 hisobida.
Rossiya terma jamoasi siyosiy sabablarga ko'ra qariyb to'rt yildirki rasmiy o'yinlarda qatnasha olmayapti.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
