Myunxenning «Bavariya» klubi OAVda chiqqan gap-so'zlarga qaramay, «Vasko da Gama» hujumchisi Rayan bo'yicha transfer variantiga qiziqish bildirmayapti. Bu haqda euro-football.ru xabar beradi.
Jurnalist Florian Plettenberg xabariga ko'ra, «Bavariya» skautlari 19 yoshli braziliyalik futbolchini kuzatib ko'rgan, biroq u na qishki, na yozgi transfer oynasi uchun jamoaning ustuvor maqsadlari qatoriga kiritilmagan. Klub rahbariyatining boshqa rejasi bor va Rayanga rasmiy taklif yuborish hamda klublar o'rtasida muzokara o'tkazish ko'zda tutilmagan.
Rayan «Vasko da Gama» akademiyasi tarbiyalanuvchisi hisoblanadi. Matbuotda Sankt-Peterburgning «Zenit» klubi yosh hujumchiga jiddiy qiziqish bildirayotgani haqida xabarlar ko'p uchramoqda. Transfermarkt portalida futbolchining bahosi 25 million yevroga teng, uning shartnomasi esa 2028 yil 31 dekabrgacha amal qiladi.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
