"Barselona" yarim himoyachisi Gavi jarohatdan keyingi tiklanish jarayonini yakunlash arafasida. 21 yoshli futbolchi avgust oyidan beri tizzasidagi muammo va jarrohlik amaliyoti sabab maydonga tushmayapti. Bu haqda euro-football.ru xabar beradi.
Jurnalist Karlos Monfor xabariga ko'ra, Gavi jamoa bilan birga Saudiya Arabistoniga uchadi, u yerda Ispaniya Superkubogi uchrashuvlari bo'lib o'tadi. Hozircha uning o'yinlarda qatnashishi ko'rib chiqilmayapti, biroq u jamoadoshlarini maydon tashqarisida qo'llab-quvvatlay oladi.
Hans-Diter Flik boshchiligidagi jamoa 7 yanvar kuni Superkubok yarim finalida "Atletik" Bilbao bilan to'qnash keladi. Ikkinchi finalchi bir kun o'tib "Real" Madrid va "Atletiko" Madrid bahsida aniqlanadi, hal qiluvchi final esa 11 yanvarga belgilangan.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
