Madridning “Atletiko” klubi qanot hujumchisi Karlos Martin “Rayo Valyekano”ga ijara asosida o‘tdi. Klub rasmiy sayti xabariga ko‘ra, futbolchi 2026 yil yozigacha “Rayo” safida to‘p suradi. Bu haqda euro-football.ru xabar beradi.
23 yoshli Karlos “Atletiko” akademiyasi tarbiyalanuvchisi bo‘lib, hozircha asosiy tarkibda muntazam o‘yin amaliyotiga ega emas. Joriy mavsumda u bosh jamoa safida 2 uchrashuvda jami 66 daqiqa maydonga tushgan, umumiy hisobda esa “matraschilar” tarkibida 8 marta o‘ynagan.
O‘tgan mavsumni Martin “Alaves”da ijarada o‘tkazib, 27 o‘yinda 2 ta gol urdi va 2 ta golli uzatma berdi. 2023/2024 yilgi mavsumda esa u “Mirandes” safida 40 uchrashuvda 15 ta gol va 3 ta assist qayd etgan.
Transfermarkt ma’lumotlariga ko‘ra, futbolchining bozor qiymati 2,5 million yevroni tashkil etadi.
“Zamin”ni Telegramʻda oʻqing!
