Madridning «Real» klubi yarim himoyachisi Jud Bellingem rahbariyatga murojaat qilib, «Kristal Pelas» futbolchisi Adam Uortonni jamoaga olib kelishni so‘ragani aytilmoqda. Bu haqda euro-football.ru xabar beradi.
Bellingemning fikricha, Uorton asosiy tarkibni yanada yoshartirish jarayonini davom ettiradi va bu unga maydonda ko‘proq hujumkor vazifalarga e’tibor qaratish imkonini beradi.
E-Noticies xabariga ko‘ra, London klubi yetakchilaridan birini 80 million yevrodan kamiga sotishga tayyor emas.
2025/2026-yilgi mavsumda 21 yoshli Uorton 24 ta uchrashuvda maydonga tushib, uchta golli uzatmani amalga oshirgan.
Futbolchining «Kristal Pelas» bilan amaldagi shartnomasi 2029-yil 30-iyungacha mo‘ljallangan. Uortonning bozor qiymati 60 million yevroga baholanmoqda.
“Zamin”ni Telegramʻda oʻqing!
