Rossiya terma jamoasi bosh murabbiyi Valeriy Karpin “Manchester Yunayted” tizimida o'ynayotgan 17 yoshli yarim himoyachi Amir Ibragimovning ehtimoliy chaqiruvi borasida fikr bildirdi. Bu haqda euro-football.ru xabar beradi.
Mutaxassis Ibragimov haqida eshitganini, biroq uning o'yinlarini muntazam kuzatmaganini aytdi. Karpin ta'kidlashicha, Rossiya terma jamoasida o'ynash huquqiga ega bo'lgan va jamoaga foyda bera oladigan har qanday futbolchi nomzodi ko'rib chiqiladi.
Shu bilan birga, murabbiy bunday yoshdagi futbolchilarni kuzatish bilan terma jamoada boshqa mutaxassislar shug'ullanishini qo'shimcha qildi. Uning fikricha, Ibragimov hozircha yoshlar terma jamoasi darajasiga ko'proq mos keladi.
Joriy mavsumda Amir Ibragimov manchesterliklarning zaxira hamda o'smirlar jamoalari safida 12 ta uchrashuvda maydonga tushib, 4 ta gol urdi va 1 ta golli uzatmani amalga oshirdi.
“Zamin”ni Telegramʻda oʻqing!
