"Barselona" sport direktori Deku "Al-Hilol" himoyachisi Joau Kanseluning kataloniyaliklar safiga yaqinlashayotgan transferi haqida fikr bildirdi. Bu haqda euro-football.ru xabar beradi.
Dekuning aytishicha, klubga keladigan deyarli har bir futbolchi maosh masalasida yon beradi. Uning ta'kidlashicha, bu "Barselona"ning o'ziga xos jozibasi bo'lib, Kanselu jamoaga avval yo'q bo'lgan yangi taktik yechimlar va variantlarni olib kiradi. Deku portugaliyalik futbolchini yuqori darajadagi ijrochi sifatida baholadi.
Avvalroq klub prezidenti Joan Laporta Kanselu ertaga "Barselona" uchun tibbiy ko'rikdan o'tishini ma'lum qilgandi.
Joau Kanselu 2023–2024 yillarda ham "Barselona" sharafini himoya qilgan: u o'shanda "Manchester Siti"dan ijara asosida kelib o'ynagan. Portugaliyalik futbolchi kataloniyaliklar safida 42 uchrashuvda maydonga tushib, 4 gol urgan va 5 golli uzatma muallifi bo'lgan.
“Zamin”ni Telegramʻda oʻqing!
