«RB Leyptsig» vingeri Yan Diomande kelajakda «Liverpul» safida to‘p surishni orzu qilayotganini aytdi. Bu haqda euro-football.ru xabar beradi.
19 yoshli futbolchi Bundesliganing eng yorqin yosh iste’dodlaridan biri sifatida tilga olinmoqda. Ivuarlik qanot hujumchisiga «Manchester Yunayted», «Bavariya», «Tottenhem», «PSJ» va boshqa nufuzli klublar qiziqish bildirayotgani haqida xabarlar bor.
«Men “Enfild”da o‘ynashni xohlayman, “Liverpul” futbolchisi bo‘lishni istayman. Men “Liverpul”ning katta muxlisiman. Otamning orzusi — meni shu jamoa tarkibida ko‘rish», — dedi Diomande. Uning so‘zlarini ingliz OAV keltirmoqda.
Transfermarkt portali Diomandening bozor qiymatini 45 mln yevroga baholagan. Biroq «RB Leyptsig» iqtidorli futbolchi uchun taxminan 100 mln yevro atrofida narx so‘rayotgani aytilmoqda.
“Zamin”ni Telegramʻda oʻqing!
