«Krylya Sovetov» darvozaboni Sergey Pesyakov Valeriy Karpin boshqaruvidagi Rossiya terma jamoasining so‘nggi o‘yinlari haqida fikr bildirdi. Bu haqda euro-football.ru xabar beradi.
Posbonning aytishicha, jamoa ko‘rsatayotgan natijalar hozirgi sharoitda yomon emas, biroq yakuniy xulosalar chiqarishga hali erta. Pesyakov rasmiy uchrashuvlargina real kuchni ko‘rsatishini, o‘rtoqlik bahslari esa to‘liq tasavvur bermasligini ta’kidladi.
«Hozirgi vaziyatni va Karpinning talablarini inobatga olsak, natija yomon emas. Kimdir raqiblar kuchsiz deydi — buni aniq baholash qiyin. Xulosa qilish uchun rasmiy o‘yinlar kerak», — deya Pesyakovning so‘zlarini «Match TV» keltirdi.
O‘tgan yilda Rossiya terma jamoasi 10 ta nazorat uchrashuvida maydonga tushib, ijobiy ko‘rsatkich qayd etdi va ulardan 6 tasida g‘alaba qozondi.
“Zamin”ni Telegramʻda oʻqing!
