SQUAWKA.com Angliya Premer-ligasidagi yagona futbolchimiz Abduqodir Husanov haqida tahliliy material e’lon qildi. Maqolada u Angliyaga kelgan ilk kunlaridan tortib, bugungi darajagacha qanday qiyin yo‘l bosib o‘tgani, nima sababdan “o‘zini topib olgani” va aynan qaysi jihatlari bilan “Manchester Siti” uchun qimmatga aylanayotgani keng yoritilgan.
Material birinchi jumladanoq “Siti” muxlislarini bir fikrga chorlaydi: jamoada Husanovdek himoyachi borligidan xursand bo‘lish kerak. Lekin bu xursandchilik ortida oson ssenariy yo‘q. Yosh futbolchi uchun yangi mamlakat, yangi shahar, yangi muhit — barchasi bir vaqtda boshlangan katta sinov edi.
Debyutdagi xatodan keyingi bosim
Husanovning Angliyadagi start nuqtasi ham “yo‘l tegiz” emasdi. “Chelsi”ga qarshi ilk uchrashuvdagi xato golga sabab bo‘ldi. O‘yin 3:1 hisobida “Siti” foydasiga yakunlangan bo‘lsa-da, ko‘pchilikning xotirasida aynan o‘sha epizod qoldi. Vaqt o‘tdi, oylar o‘tdi — Abduqodir tezda ruhiy jihatdan o‘zini tiklab, muxlislar ishonchini qaytarishga kirishdi. Odamlar xatoni unutib yuborishi mumkin, ammo futbolchi uchun o‘sha his-tuyg‘u va ichki bosimdan chiqish oson bo‘lmaydi. Shu nuqtada eng katta rolni Pep Gvardiola o‘ynagani ta’kidlanadi.
Murabbiy yosh himoyachini bosimdan olib chiqish uchun aniq strategiya tanladi: Abduqodirni ketma-ket oltita o‘yinda asosiy tarkibda maydonga tushirib, unga ishonchini amaliy tarzda ko‘rsatdi. Mualliflar qaydicha, Gvardiola yosh legionerga Angliyadagi yangi hayot qanchalik og‘ir kechishini yaxshi anglagan. Bundan tashqari, Husanov ingliz tilida erkin gapira olmasdi — bu ham adaptatsiyani sekinlashtiradigan omil. Biroq “Siti” shtabi va murabbiylik yondashuvi futbolchini “o‘ziga kelish” jarayonida qo‘llab-quvvatlab borgan.
Chuqurlikdan chiqish: imkoniyat eshigi ochildi
Bir paytlar vaziyat shunday ko‘rindiki, Husanov go‘yo chetda qolgan, jamoa o‘yinida “esdan chiqqan” futbolchiga aylanib qolgandek edi. Chunki himoya chizig‘ida raqobat qattiq: Mateus Nunes o‘ng qanotda barqaror, markazda Ruben Diash, Yoshko Gvardiol va Jon Stouns — mustahkam tayanchlar. “Chelsi”ga qarshi o‘sha salbiy epizod ham Abduqodirning ruhiyatiga qattiq o‘tirgan.
Lekin futbolda “vaqt” ham, “vaziyat” ham tez o‘zgaradi. Diash va Gvardiolning jarohat olishi Husanov uchun yangi imkoniyat eshigini ochdi. Mualliflar fikricha, agar o‘sha jarohatlar bo‘lmaganida, yosh himoyachi uchun yangi yil qismi ancha sokin va hatto zerikarli ham o‘tib ketishi mumkin edi. Ammo aynan shu vaziyat Husanovning qaytishi uchun katta shans bo‘ldi: u “qorong‘i o‘ra”dan chiqib, yana asosiy tarkibga yaqinlasha boshladi.
“Brayton”, “Ekseter”, “Nyukasl”: ishonchni qaytargan uch o‘yin
Tez orada Abduqodir “Brayton”, “Ekseter” va “Nyukasl”ga qarshi o‘yinlarni boshlang‘ich tarkibda o‘tkazdi. Jamoada 20 yoshli Maks Alleynni hisobga olmaganda, “Siti” himoya liniyasida yoshlar ko‘p emas — shu ma’noda Husanov o‘zini katta ishonch bilan tuta olgani alohida qayd etiladi.
“Ekseter”ga qarshi 10:1 hisobidagi yirik g‘alabada u erkin harakat qildi, himoyada ham, pozitsion o‘yinda ham ishonchli ko‘rindi. “Brayton”ga qarshi bellashuv ham yuqori saviyada o‘tdi. “Nyukasl” ustidan 2:0 hisobidagi g‘alabada esa Husanov “Sent Jeyms Park” kabi og‘ir stadionda murakkab vazifani uddalagan jamoaning muhim bo‘g‘ini sifatida ko‘rsatildi.
“Nyukasl”ni tiyib qo‘ygan himoyadagi detallar
Tahlil qismida “Nyukasl”ga qarshi o‘yinda Husanovning harakatlari raqamlar bilan ochib berilgan. VARning uzoq ishlagani ham esga olinadi, ammo eng asosiysi — “Nyukasl” hujumda odatda uyda o‘rtacha 6ta zarba yo‘llaydi, bu o‘yinda esa raqib darvozasi tomon atigi ikki marta zarba bera olgan. Mualliflar bunga “Siti” himoyasi yo‘l qo‘ymaganini ta’kidlaydi.
Husanovning shaxsiy statistikasi esa shu yerda “pichoqdek” ochiladi:
- 6 marta to‘pni toza olib qo‘yish;
- 4 marta podkat orqali to‘pni egallash;
- 1 marta 100 foizli podkat bilan xavfni bartaraf etish.
Angliyada podkat madaniyatiga talab qattiq — shuning uchun bu raqamlar alohida qadrlanadi. Tahlilda keltirilishicha, APLda ro‘yxatdan o‘tgan 303 futbolchi orasida podkatni samarali bajarish bo‘yicha Husanov 91,7 foiz natija bilan 2025/26 mavsumida 5-o‘rinda turibdi. Solishtirish uchun Gvardiol 94,7 foiz bilan 4-o‘rinda.
To‘p uzatishlarda ham “plyus”: o‘yin qurishga hissa
Himoyachi uchun faqat buzish emas, to‘p bilan o‘ynash ham muhim. “Nyukasl”ga qarshi bahsda eng ko‘p pas bergan futbolchi ham Husanov bo‘lgan: 58 marta to‘p uzatgan. Eng muhimi, uzatmalarning 93,5 foizi mo‘ljalga yetgan. Bu ko‘rsatkich yosh himoyachining pozitsion o‘yinda jamoaga “qurilish materiali” bo‘la olishini anglatadi.
Gvardiolaning bahoci va keyingi imtihon
Maqolada Pep Gvardiolaning Husanov haqidagi fikri ham keltiriladi: u bu transferni jamoa uchun o‘ta muhim deb atagan, “Siti” yuqorida o‘ynagani uchun orqada ishonchli himoya shartligini aytgan. Murabbiyning ta’kidicha, vaqt o‘tishi bilan Husanovning foydasi yanada ortib boradi, chunki u hali yosh va o‘rganadigan jihatlari ko‘p. Eng asosiysi — Abduqodir mashg‘ulotlarda 100 foiz kuch bilan ishlaydi.
Tahlilning yakuniy qismida esa navbatdagi sinov — Manchester derbisiga urg‘u beriladi. “Yunayted” avvalgidek emas,
“Zamin”ni Telegramʻda oʻqing!
